ساعات صوت جواني يقولها
فلان ده لئيم
وساعات الصوت يقولها
علان ده مهتم بيكى
وساعات الصوت الجوانى يقولها
ترتان ده عايز قلة ادب
عنده.... لما بيجى على بالها
الصوت الجوانى بيقولها
مهتم وبيتقل
معجب و عامل مش مهتم
لانه مش عارف ازاى يملكك
خايف منك
خايف مايقدرش عليكى
مايقدرش على عندك
على جنونك
على دماغك اللى عايزة كسرها
متغاظ من جرائتك
خايف من انفتاحك
قلقان من تحررك
محتاج اشارة انك محتاجاه
وهو بيتقل
بيتقل اوى
يمكن خايف من المغامرة
او قاصد انه يتقل
لحد ماهى ماتسلم وترفع الراية البيضا
هو مُصر على بناء حدود بينه وبينها
مُصر انه مايرفعش التكليف
مُصر انه يبعد لما يحس انه قرب
خايف من إنفضاح أمره
مُصر انه يعمل انها مش على باله
لكن اللى يدعبس فى عقله
هيلاقيها قاعدة وبتتمطع جواه
نواياه مش معروفة بالنسبالها
لكن اللى هى متاكدة منه
اذا ماكنش بيحبها
فهى على الاقل مستحوذة على اهتمامه
بيفكر فيها
بيتتبع اخبارها
عامل نفسه مش همه
مستنى انها تصرح او تلمح
لكن اللى مايعرفهوش
انها محتاجاله
محتاجة لكلماته
لعظاته وتوجيهاته
لودانه علشان يسمعها
لكفه علشان يطبطب عليها
لحضنه علشان يطمنها
ولو ماخدش هو الخطوة الاولى
هى عمرها ما هتاخدها
خوفا من انه يصدها
لانها رغم قوتها الظاهرة
فهى
ضعيفة جدا
وهشة جدا
وخيخة جدا جدا
أخر الكلام
يا أنت
التفكير فيك اصبح يرهقني
فاقترب حتى ارتاح...
من أنا
- د.أحمد
- أنا شاب ولكن عمري ألف عام..وحيد ولكن بين ضلوعي زحام..خائف ولكن خوفي مني أنا..من نفسي أنا..وعجبي..
ليست هناك تعليقات:
إرسال تعليق